Rutas e Activ. Familiares

PRESENTACIÓN PRIMAVERA 2019
O programa de educación medioambiental “Camiño a Camiño” desenvolto pola Concellería de Medio Ambiente de Vigo celebra o seu 11º aniversario e con tal motivo ten previsto desenvolver unha intensa actividade para os meses de marzo a xuño de 2019. 


No entorno de Vigo e bisbarra está previsto percorrer no mes de marzo a senda a carón do río Lagares no tramo alto. De seguido realizarase a clásica  Senda da Auga de Vigo, con tres etapas que nos permitirán transitar dende Vigo ao encoro de Eiras, paseando polo trazado da traída de auga a Vigo atravesando os concellos de Redondela, Pazos de Borbén e Fornelos de Montes.
No mes de abril e principios de maio vaise levar a cabo unha experiencia interesante de coñecemento dos entornos nos que a minería supuxo unha transformación da paisaxe. Escomezarase no Baixo Miño, concretamente no Rosal,  seguindo a estela das minas de ouro dos romanos. Proseguirase en Fontao, concello de Vila de Cruces, coas famosas explotacións de wolframio na primeira metade do século XX. Rematarse xa en maio coa visita ao Xurés, onde se combina tanto as antigas explotacións romanas do ouro, empregando a Via Nova entre Braga e Astorga como vía de comunicación, e as máis recentes de wolframio, envolta nas historias de extraperlo de despois da guerra civil. As dúas últimas visitas serán de día completo e a primeira de medio día. En todo caso, adiantarase ás 8:30 a saída (8:00 na Praza do Rei) para poder realizar os percorridos nos tempos previstos.
Neste ano a VI Andaina polos montes de Vigo está prevista para o domingo 12 de maio, como transición coa programación que ven de seguido.
Entre o 18 e 19 de maio e o 1 e 2 de xuño (lembrar que o 26 de maio é data electoral) terán lugar as tradicionais visitas as Illas Cíes e a Acampada para familias.
Tamén hai previstas saídas de fin de semana completo. Arráncase coa visita á Ribeira do Douro (con base de operacións en Aranda del Duero) entre o 5 e o 7 de abril. Os percorridos de media montaña galega serán polo Xurés entre o 4 e 5 de maio e por Ancares entre o 1 e 2 de xuño.

Por último, para rematar a tempada, nos sábados 8 e 15 de xuño terán lugar as rutas nocturnas polos montes de Vigo, nesta ocasión no entorno dos montes de Coruxo e de Candeán. Asemade, nas fins de semana do 22 e 23 de xuño e 29 e 30 de xuño terá lugar a segunda edición de Acampadas familiares en Vigozoo.


PERCORRIDOS MEDIOAMBIENTAIS: CALENDARIO E PROCEDEMENTOS

ESPAZOS HÚMIDOS DE VIGO*
10 marzo Ruta polo curso alto do Lagares (1)
17 marzo Senda da auga 1 (Vigo-Redondela) (1)
24 marzo Senda da auga 2 (Redondela – Pazos de Borbén) (1)
31 marzo Senda da auga 3 (Pazos de Borbén – Encoro Eiras) (1)
*Horario: Saída 9:30, Convocatoria: 9:00

SENDAS A CARÓN DA MINERÍA EN GALICIA*
7 abril O ouro no Baixo Miño (2)
14 abril O wolframio en Fontao (Vila de Cruces) (3)
5 maio O ouro e wolframio no Xurés (3)
*Horario: Saída 8:30, Convocatoria:8:00

VI ANDAINA POLOS MONTES DE VIGO
12 maio Montes de Vigo (información adicional dende 29 abril)

RUTAS RIBEIRA DO DOURO E POR GALICIA
5-7 abril Visita á Ribeira do Douro (4)
4-5 maio Percorridos pola Serra do Xurés (5)
1-2 xuño Percorridos pola Serra de Ancares (5)

VISITA ÁS ILLAS ATLÁNTICAS
19 maio Illas Cíes I (6)
2 xuño Illas Cíes II (6)

NOCTURNAS
Sábado 8 xuño Nocturna polos montes de Coruxo (7)

Sábado 15 xuño Nocturna polos montes de Candeán (7)


Inscrición e Funcionamento
Inscrición normal: 010 (dende móbil: 986 81 02 60), na semana da actividade. Empadroados: de luns a mércores, de 8:00 a 20:00. Non empadroados: o xoves.

Inscrición Rutas por Ribeira do Douro e por Galicia, Andaina e Visita ás Illas Atlánticas: o mesmo procedemento, con prazo que se indique en cada caso dada a necesidade de xestionar con anticipación os aloxamentos e/ou os desprazamentos.

Recollida do ticket de viaxe: ao coller o autobús na Praza do Rei. No caso de percorridos con achega efectuarase o pago no prazo e lugar establecido en cada caso, sendo preciso presentar o resgardo do pago no momento de incorporación á actividade.

Renuncia á inscrición: no caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23. Non facelo pode supór a limitación á participación en actividades posteriores.

Procedementos por tipo de ruta:
(1) Percorridos de mañá (gratuítos, ata 200 prazas). Saída 9:30 dende a Praza do Rei. Convocatoria: 9:00. Retorno estimado: entre 13:30 e 14:30, na Praza do Rei. Desprazamento autobús urbano/discrecional.

(2) Percorridos de mañá (achega 3 euros para bus, ata 200 prazas). Saída 8:30 dende a Praza do Rei. Convocatoria: 8:00. Retorno estimado: entre 14:30-15:30, na Praza do Rei. Desprazamento autobús discrecional a cargo de cada participante. Menores de 12 anos: 50% da achega. Ver apartado Pagamento da achega.

(3) Percorridos de día completo (achega 7 euros para bus, ata 200 prazas). Saída 8:30 dende a Praza do Rei. Convocatoria: 8:00. Retorno estimado: entre 19:30 e 20:30, na Praza do Rei. Desprazamento autobús discrecional a cargo de cada participante. Menores de 12 anos: 50% da achega. Ver apartado Pagamento da achega.

(4) Rutas pola Ribeira do Douro (custe 150 euros/persoa en habitación dobre, ata 50 prazas adultos). Saída venres 5 abril, 16:00 dende a Praza do Rei. Retorno estimado: domingo 22:00, na Praza do Rei. Achega desprazamento autobús discrecional: 30 euros. Resto do custe por estadía, manutención e visita adega e castelo a conta directa do usuario/a. Suplemento hab. individual: 25 euros. Reducción/persoa en hab. triple (10 euros) e cuádruple (20 euros). Preinscrición entre 11 e 12 de marzo. Peche inscrición: ata 14 de marzo. Ver apartado Pagamento da achega.

(5) Rutas por Galicia (custe 65 euros, ata 50 prazas adultos). Saída 8:15 dende a Praza do Rei. Convocatoria: 8:00. Retorno estimado: domingo 21:00, na Praza do Rei. Achega desprazamento autobús discrecional: 15 euros. Resto do custe por estadía e manutención a conta do usuario/a, agás o xantar do sábado que o levará cada participante. Serra do Xurés: preinscrición entre 8 e 9 de abril; peche inscrición: ata 11 de abril. Serra de Ancares: preinscrición entre 13 e 14 de maio; peche inscrición: ata 16 de maio. Ver apartado Pagamento da achega.

(6) Cíes (custe 7 euros para barco, ata 400 prazas). Saída 9:00 dende a Estación Marítima de Vigo. Retorno estimado: 20:00. Menores de 12 anos: 50% do custe. Visita 19 de maio: preinscrición entre 29 e 30 de abril; peche inscrición: ata 2 de maio. Visita 2 de xuño: preinscrición entre 13 e 14 de maio; peche inscrición: ata 16 de maio. Unha vez confirmada a praza, o pago do billete do barco realizarase na taquilla de Mar de Ons sita en r/ Cánovas del Castillo 26, en horario de oficina, ata a data de peche de inscrición indicado. Unha vez pechada, non se pode cancelar.

(7) Nocturnas Vigo: percorridos de tarde-noite (gratuítos, ata 300 prazas). Saída 21:00 dende a Praza do Rei. Convocatoria: 20:30. Retorno estimado: entre 1:30 da madrugada, na Praza do Rei. Desprazamento autobús urbano. 

Pagamento da achega de autobús nos apartados (2), (3), (4) e (5): 
unha vez confirmada a praza, realizarase na Concellería de Medio Ambiente (2º andar do Concello) ou a través da  sede electrónica do Concello de Vigo (PREMER) ata a data de peche de inscrición indicado en cada apartado. Ver detalle do procedemento na sección do blog: “Guía para o pago de percorridos”.


PASEOS POLOS MONTES DE VIGO

Proseguindo coa experiencia da primavera do ano anterior, incorpórase na programación unha serie de paseos polos sendeiros locais de Vigo en colaboración coa Mancomunidade de Montes de Vigo. Trátase de achegarse dun xeito sosegado a distintos espazos dos montes periurbanos con especial encanto natural, patrimonial ou paisaxístico.

6 abril Paseo polos montes de Coruxo. Lugar de encontro: Fragoselo
13 abril Paseo polos montes de Matamá-Comesaña. Lugar de encontro: Parque Forestal de Maruxento (Matamá)
27 abril Paseo polos montes de Beade. Lugar de encontro: Parque forestal de Beade

4 maio Paseo polos montes de Cabral. Lugar de encontro: Entrada de IFEVI.



Inscrición e Funcionamento
Inscrición de luns a venres: 010 (dende móbil: 986 81 02 60), na semana da actividade, ou no apartado de inscricións da web www.montesdevigo.org.  Inscrición gratuíta.

Funcionamento: os/as participantes desprázanse ata o lugar de encontro para iniciar a actividade as 16:30. Os trazados están pensados para todos os públicos, con percorridos sinxelos de hora e media ou dúas horas, no que se farán paradas para gozar dos lugares, das historias e das curiosidades do entorno.


Máis información en info@montesdevigo.org ou no teléfono 662 23 10 23. 




ACAMPADAS FAMILIARES

Un xeito interesante de coñecer o medio no que vivimos é a través da integración no mesmo. A acampada sempre foi un xeito de que toda a familia puidese realizar esta experiencia e, nesta edición, preséntanse dous formatos: un nas illas Cíes e outro no albergue de Vigozoo.
En ambos casos vaise coñecer o hábitat correspondente, de xeito que as nais e pais participen no proceso de descubrimento. Tamén se aproveitarán as noites para contemplar as estrelas e coñecer algo máis sobre o ceo que nos acubilla.

18-19 maio Acampada en Cíes I (1)
1-2 xuño Acampada en Cíes II (1)

22-23 xuño Acampada en Vigozoo I (2)

29-30 xuño Acampada en Vigozoo II (2)

Inscrición: 010 (dende móbil: 986 81 02 60), con prazo que se indique en cada caso.

Renuncia á inscrición: no caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23. 

Observación. Aos efectos desta inscrición, considérase Familia a formada por nai/pai cos seus fillos/as menores ou titores legais cos seus titorados/as menores (neste caso acreditalo). A actividade programada está dirixida a menores de 12 anos, podendo en todo caso acompañar menores ata 14 anos nas Illas Cíes.

(1) Acampada en Cíes: estadía de sábado e domingo completo (achega de 7 euros por persoa, ata un máximo de 27 unidades familiares). Saída estimada 9:00 do sábado dende a Estación Marítima de Vigo. Retorno estimado: domingo as 20:00. Desprazamento incluído na achega; estadía no camping de balde e manutención a cargo de cada participante. Acampada 18-19 de maio: preinscrición no 010 entre 29 e 30 de abril; peche inscrición: ata 2 de maio. Acampada 1-2 de xuño: preinscrición no 010 entre 13 e 14 de maio; peche inscrición: ata 16 de maio. O pagamento da achega para o peche de inscrición realizarase na taquilla de Mar de Ons sita en r/ Cánovas del Castillo 26, en horario de oficina. Unha vez pechada, non se pode cancelar.

(2) Acampada en Vigozoo: estadía de sábado dende as 16:30 a domingo ata as 13:30 (achega de 28 euros por persoa, ata un máximo de 12 unidades familiares). Estadía e manutención incluído na achega. Preinscrición no 010: entre o 3 e o 7 de xuño. Peche inscrición: entre o 10 e 14 de xuño co pago na taquilla de Vigozoo ou ingresando na conta proporcionada na taquilla de Vigozoo (máis información en 986267783)




Nombre

Avisos,1,Fotos,8,Novas,20,Programación,7,
ltr
static_page
Camiño a Camiño Vigo 2019: Rutas e Activ. Familiares
Rutas e Activ. Familiares
Camiño a Camiño Vigo 2019
https://caminoacaminovigo.blogspot.com/p/rutas-e.html
https://caminoacaminovigo.blogspot.com/
https://caminoacaminovigo.blogspot.com/
https://caminoacaminovigo.blogspot.com/p/rutas-e.html
true
6357156881945107423
UTF-8
Tódolos artigos están cargados Non se atopou ningún artigo VER TODO Ler máis Responder Cancelar resposta Borrar Por Inicio PÁXINAS POSTS Ver Todo RECOMENDADO PARA TI CATEGORÍA ARQUIVO BUSCAR TÓDOLOS ARTIGOS Non se atopou ningunha coincidencia coa túa solicitude Volver a Inicio Domingo Luns Martes Mércores Xoves Venres Sábado Dom Lun Mar Mér Xov Ven Sáb Xaneiro Febreiro Marzo Abril Maio Xuño Xullo Agosto Setembro Outubro Novembro Decembro Xan Feb Mar Abr Maio Xuñ Xul Ago Set Out Nov Dec Agora mesmo Fai 1 minuto $$1$$ minutes ago Fai 1 hora $$1$$ hours ago Onte $$1$$ days ago $$1$$ weeks ago Fai máis de 5 semanas Seguidores Seguidos ESTE CONTIDO ESTÁ BLOQUEADO PASO 1: Compartir coas túas redes sociais PASO 2: Fai click no enlace da túa rede social Copiar todo Seleccionar todo Este contido foi copiado no teu portapapeis Non se puido copiar, por favor preme [CTRL]+[C] (ou CMD+C con Mac) para copiar