A Concellería de Medio Ambiente de Vigo, a través do programa Camiño a Camiño, arranca a súa tempada de primavera 2025 cunha proposta de combinar percorridos por Vigo e polo entorno do Río Miño. A intención é coñecer de preto o noso entorno, tanto como visitante aos espazos naturais singulares da provincia como camiñante polos entornos próximos.
(1) Percorridos de mañá (gratuíto, ata 165 prazas): Saída 9:00 dende a Praza do Rei. Convocatoria: 8:30. Retorno estimado: entre 14:00 e 15:00h, na Praza do Rei, agás etapa do 13 de abril, que será sobre as 18:00-19:00. Desprazamento autobús discrecional gratuíto
(2) Cíes (custe 8,50 euros para barco, ata 300 prazas). Convocatoria 9:00-9:30 na Estación Marítima de Vigo. Retorno estimado: 20:00. Visita 18 de maio: preinscrición entre 22-23 de abril; peche inscrición: ata 25 de abril. Visita 25 de maio: preinscrición entre 29-30 de abril; peche inscrición: ata 2 de maio. Unha vez confirmada a praza, o pago do billete do barco realizarase na taquilla de Mar de Ons sita en r/ Cánovas del Castillo 26, en horario de oficina, ata a data de peche de inscrición indicado. Unha vez pechada, non se pode cancelar.
Inscrición e Funcionamento:
Inscrición: 010 (dende móbil: 986 81 02 60), na semana da actividade. Empadroados: de luns a mércores, de 8:00 a 20:00. Non empadroados: o xoves.
Sistema de adxudicación de prazas: un/unha participante non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas. Nese caso seralle comunicado na tarde do propio mércores previo á actividade.
Recollida do ticket de viaxe: ao coller o autobús na Praza do Rei ou no Punto de Encontro.
Renuncia á inscrición: no caso de non poder asistir unha vez inscrito/a, hase de comunicar en info@caminoacaminovigo.org ou no teléfono 662 23 10 23. Non facelo pode supór a limitación á participación en actividades posteriores.
