Avisos

PERCORRIDO POLA COSTA DA VELA (CANGAS). Domingo 15 outubro, mañá. Inscrición no 010 (986810260 dende móbil) a partir do 2 outubro

PRÓXIMOS CURSOS DE HORTAS URBANAS. Quenda 1: Sábado 14 outubro, mañá. Quenda 2: Xoves 19 outubro, tarde. Inscrición no 010 (986810260 dende móbil)
PRÓXIMO CURSO INICIACIÓN VOLUNTARIADO MEDIOAMBIENTAL. Sábado 14 outubro, mañá. Inscrición no 010 (986810260 dende móbil)

VOLUNTARIADO SENDEIROS: Revisión do GR-53. Martes 10 outubro, 16:00 na Pasiva ou 16:30 no Muíño de Maquías (encoro Zamáns)
VOLUNTARIADO VIGOZOO: Erradicación invasoras. Entre o 17 outubro e 7 novembro, martes e xoves de 10:00 a 13:00 en Vigozoo.

17/10/17

Terceira etapa dos percorridos pola Costa Atlántica: Costa do Salnés (Sanxenxo)


Despois dun magnífico percorrido pola Costa da Vela durante o día e dun desolador regreso a Vigo pola tarde-noite, o vindeiro domingo pecharemos o ciclo da Costa Atlántica coa visita á Costa do Salnés, en Sanxenxo.

Trátase dun percorrido que contrasta cos dous anteriores en certos aspectos como a existencia do itsmo que une O Grove con Sanxenxo e sobre o que aparece a praia da Lanzada, ou a aparición de cantís moi pronunciados e dunha gran beleza. Polo demáis, aparecen formacións semellantes ás outras dúas costas visitadas. 

O percorrido total (ruta longa) entre A Lanzada e Portonovo ascende a 18,6 km e, aparte de pola distancia, é moi levadeiro. Para quen non queira realizar todo o percorrido (ruta curta), darase a opción de parar na praia de Montalvo, ata onde se farán 12,7 km.

Como sempre, a inscrición faise no 010 (986810260 dende móbil) de luns a mércores, e o xoves para non empadroados. O pago da achega de 7 euros farase o propio día da actividade na Praza do Rei (levar o importe xusto).

Recoméndase levar calzado de camiñar que protexa ben os nocellos, así como bastóns. Tamén é moi importante levar gorra e reforzo de auga para evitar desidratación.



Fotografías das actividades da semana pasada


Esta semana pasada foi intensa en actividades de formación (na horta de Sardomela e en Vigozoo), xunto cunha ruta pola Costa da Vela moi agradable (premer para ver album). Algunhas instantáneas son estas:






16/10/17

Dia negro para o medioambiente de Vigo


Este domingo 15 de outubro de 2017 só se pode calificar como "Día negro para o medioambiente de Vigo". Todos e todas os participantes de Camiño a Camiño somos conscientes de que moitos dos lugares nos montes de Vigo que transitamos estes últimos anos, e dos que estabamos orgullosos, desapareceron. 
Pouco máis hai que dicir que grazas a todos aqueles que colaboraron en que a desfeita non fose maior.
Só toca cargarse de enerxía para volver a empezar.