23/11/17

Charla en Vigozoo con motivo da Semana da Ciencia


Dende a Concellería de Medio Ambiente invitase a participar na seguinte actividade organizada pola Fundación Ceo en colaboración coa Asociación Astronómica de Vigo e enmarcada na celebración da Semana da Ciencia 2017:

Título: Cosmoloxía ao longo da Historia. Abordarase dende a orixe do universo, pasando polos mitos gregos e romanos, as interpretacións de Galileo e o avance ata o Big Bang.

Imparte: Teo Boo, Físico e membro da Asociación Astronómica de Vigo

Lugar: Auditorio de Vigozoo 

Data: Venres, 24 de novembro

Hora: 19:00 

Gratuíto para o Voluntariado de Camiño a Camiño.

19/11/17

Instenso traballo do voluntariado nas zonas de escorrentía e en Vigozoo


Nesta semana o Voluntariado de Camiño a Camiño acabou de actuar en zonas de particular risco de escorrentía nos entornos do Alba e de Coruxo, evitando o asolagamento de regatos e charcas na que habitan anfibios. 



Tamén se iniciaron esta semana os traballos de sementeira de outóctonas en Vigozoo de cara a contar cun banco de árbores de cara a futuras reforestacións en zonas de alta sensibilidade ecolóxica nas Comunidades de Montes que así o demanden.


11/11/17

Nova semana de actividade de voluntariado nos montes de Vigo


Unha semana máis de seca, que complica as reservas de auga de Vigo, pero que permite que as actuacións de prevención de fortes escorrentías nas ladeiras dos montes queimados poida ser levada a cabo por parte do Voluntariado de Camiño a Camiño. Traballouse en Comesaña, Coruxo e Valladares, finalizando así a primeira fase de reparto de palla. 


Na vindeira semana arranca a fase de conservación de hábitats de especial interese ecolóxico coordinada por técnicos da Concellería de Medio Ambiente e en colaboración coas Comunidades de montes.

A modo de colofón desta primeira fase, unha serie de fotos antes, durante e despois da actuación a carón da capela do Alba.