Avisos

VOLUNTARIADO CAMIÑO A CAMIÑO:
- ACOMPAÑAMENTO CANS... mércores 17. Convocatoria por invitación: 9:30 no Refuxio de Animais (Candeán)
- SENDEIROS... martes 16 e xoves 18. Convocatoria en A Pasiva (16h) ou Monte dos Pozos (16:30)
- MONTE DA GUÍA... sábado 20. Convocatoria en aparcadoiro da Guía: 9:30.
PERCORRIDOS MEDIOAMBIENTAIS: O Rosal... domingo 14 outubro, día completo. Incrición no 010 dende 15 outubro. 7 euros.
ACTIVIDADES FAMILIARES... grupo 1 (20 outubro en Vigozoo e 10-11 novembro en Ancares) e grupo 2 (27 outubro en Vigozoo e 17-18 novembro en Ancares). Incrición no 010 dende 8 outubro. Ver máis info en solapa Actividades familiares

15/10/18

Terceira semana de Camiño a Camiño con visita ao Rosal e actividades familiares en Vigozoo


Continuando coas sendas a carón do Viño, nesta semana toca achegarse o domingo á privilexiada comarca do Rosal e coñecer algúns dos seus encantos. 

Tamén terá lugar en Vigozoo o sábado pola tarde a primeira actividade familiar de sensibilización en relación coa contaminación lumínica e de plástico de un só uso (entrada gratuíta). As inscricións para esta quenda ou para a da semana que vén realízanse no 010 (986 81 02 60 dende móbil) ata o xoves e conlevan unha segunda parte en Ancares no mes de novembro (ver programación). 

Percorrido polo Rosal.
O trazado previsto permitiranos comprobar o microclima que se xera na zona, moi axeitado para o cultivo da uva, sobre todo as variedades de albariño e loureira, e para outras producións agrarias. Tamén comprobaremos como dende o nivel do mar se elevan dúas serras, a da Groba e a do Argallo, ata a chaira. 
No percorrido gozaremos de miradoiros naturais con vistas ao Atlántico e ao Esteiro do Miño, así como a visita aos muíños do Folón, declarados Ben de Interese Cultural, e onde se concentran arredor de 60 "muños", que é como se denominan na zona.

A actividade é de día completo, cunha distancia a realizar en todo o día de 15,2 km e tramos cun importante desnivel (moi recomendable bastóns e botas que aguanten os nocellos).

Lembrar que a inscrición principia o luns 15 de outubro a través do 010 (986 81 02 60 dende móbil) ata o mércores, e non empadroados o xoves. Unha vez feita a inscrición cómpre realizar o pago da achega a través da sede electrónica ou na Concellería de Medio Ambiente (2º andar do Concello). Para máis información: PREMER GUÍA DE PAGO 

9/10/18

Fotos do percorrido por A Estrada


No seguinte enlace (PREMER) tendes dispoñibles as fotos do fermoso percorrido desta fin de semana pasada por A Estrada, particularmente pola ribeira do río Ulla e os miradoiros de Gundín e Monte Castro. Bonito día con aprendizaxes da paisaxe moi ilustrativos.