7/11/13

Planificación da fin de semana 9-10 novembro

Coa incertidume climatolóxica que nos ten acostumados esta tempada, abordamos unha fin de semana intensa: Percorrido por Baños de Molgas, Visita ao Bidueiral de Montederramo, Voluntariado, Cursos e Hortas urbanas.

1. Percorrido medioambiental por espazos singulares: Baños de Molgas

A visita ao contorno de Baños de Molgas será o segundo percorrido a un espazo singular. Na preparación realizada polo equipo de monitores as sensacións foron magníficas: sen dúbida trátase dun lugar singular. Como sempre contaremos cunha ruta longa e outra curta (para ver documento pinchar aqui). Iso sí, por se acaso levar muda completa para deixar no autobús e, no caso de que chova, poderse cambiar.

Val dos Medos
2. Visita ao Bidueiral de Montederramo: 1ª e 2ª quenda.
Todo preparado para que a Quenda 1 se achegue a un paraíso natural esta fin de semana. Lembrar que as 8:00 é a saída dende a Praza do Rei e que hai que levar o xantar do sábado.
Para a Quenda 2 haberá hoxe, as 18:00, en Vigozoo, charla de preparación da visita.


3. Voluntariado medioambiental.
Dúas van ser as accións de voluntariado a realizar:
- O grupo do Lagares proseguirá coa repoboación no entorno de Muiños (río Lagares), que a semana pasada houbo que suspender.
- O grupo de hortas seguirá co proceso de acondicionamento de Fontáns e de Ramón Nieto.

4. Cursos de formación
Neste sábado terá lugar en Vigozoo a última das accións formativas da tempada:
- Curso básico de hortas urbanas.

5. Hortas urbanas
Ao longo da semana poidose traballar nas hortas urbanas e o sábado, se clarexa un pouco, poderanse rematar traballos iniciados.