Avisos

PROGRAMACIÓN DE CAMIÑO A CAMIÑO OUTONO 2017: PRESENTACIÓN AO LONGO DESTA SEMANA

HORTAS URBANAS: Cambio de horario a partir do 18 de setembro: mañás de 10 a 13h e tardes de 16 a 19h.
VOLUNTARIADO SENDEIROS: Revisión do GR-53. Martes 26 setembro, 16:30 en Vigozoo. Xoves 28 setembro, 16:30 en Parque Forestal Bandeira.

18/10/14

Fin de semana 18-19 outubro

Despois da "tempestad" chega a calma. Semella que isto vai ter lugar esta fin de semana e polo tanto poderemos disfroitar das actividades previstas tanto no Galiñeiro e no Caurel, como no voluntariado e nas hortas.

Percorrido polo Galiñeiro.
Voltamos unha vez mais o Galiñeiro, onde coñeceremos algún dos recunchos mais agochados da Serra, a Cova da Vella ou o coto do Castelo, ambalas dúas formacións de grande interés xeolóxico, paisaxístico e mesmo mitolóxico.  Non serán as únicas formacións que poderemos ver no percorrido, nos Arruídos ou na Loma da Zorra a pedra é a protagonista dando lugar a paisaxes agrestes, onde abundan bolos, pías, cotos, cacholas, etc. Todas elas creadas polo tempo, a auga e o vento.

Tamén ollaremos a pegada do home na pedra, como no petroglifo da Auga da Laxe ou nas numerosas canteiras artesanais que salpican toda a Serra.