Avisos

HORTAS URBANAS: Cambio de horario a partir do 18 de setembro: mañás de 10 a 13h e tardes de 16 a 19h.
VOLUNTARIADO SENDEIROS: Martes 19 setembro e Xoves 21 setembro. 16:15 na Pasiva ou 16:30 no Parque forestal de Maruxento

28/3/14

Percorridos por Vigo e bisbarra

A fin de semana pasada tivemos ocasión de facer un percorrido moi atractivo polos montes de Vigo, en particular dende o Monte dos Pozos ata os Montes de Comesaña. Algunhas das instantáneas do percorrido as podemos ver na sección "Fotos 2014", así como nas achegas feitas por camiñantes como Nacho (ver a sección "Safari"). Como mostra:




Esta última fin de semana de marzo escomeza un percorrido clásico: a Ruta da Auga, que se fará en tres etapas pero desta vez en senso inverso, partindo do Encoro de Eiras.




A ruta curta vai seguindo o trazado da tubería da traída da auga, prácticamente é un percorrido chairo cunha lixeira pendente.  Este roteiro vai paralelo o río Oitavén, que neste tramo discorre encaixado nun fermoso canón, polo medio do bosque. Aquí abundan as fragas de ribeira e as carballeiras que comezan a reverdecer co inicio da primaveira.  Nas partes mais altas do canón destacan as toxeiras, que nesta época están florecidas.


A ruta longa alónxase do río para dirixirse cara a Aldea de Calvos.  Tras atravesar o lugar de Alén saímos da aldea e comezamos a subir ata o outeiro do ceo e o Outeiro do mar.  No camiño topamos co petroglifo de Xampardiño, dende onde temos unhas espectaculares vistas do coto mediodía, a Serra do Suído, o monte Saramagoso, o monte da Peneda, o fondo da ría de Vigo, e mesmo o Galiñeiro e o Galleiro. Dende o outeiro do mar comezamos xa o descenso ata pazos, onde nos recollerán os autobuses.