Avisos

HORTAS URBANAS: Cambio de horario a partir do 18 de setembro: mañás de 10 a 13h e tardes de 16 a 19h.
VOLUNTARIADO SENDEIROS: Martes 19 setembro e Xoves 21 setembro. 16:15 na Pasiva ou 16:30 no Parque forestal de Maruxento

18/3/13

Semana previa a Semana Santa

Escomezan os preparativos para Semana Santa e, entre tanto, unha semana de transición na que se mistura o último percorrido da rede fluvial de Vigo, achegándonos ao río Zamáns, coa actividade intensa que se está levando a cabo nas hortas de Fontáns e de Pedro Alvarado e con toda preinscrición e inscrición nas quendas de voluntariado medioambiental en Cíes. 

- Percorrido medioambiental polo río Zamáns.

O río Zamáns ou Amial nace humilde, moi preto da aldea de Zamáns, no límite de Vigo.   Forma un pequeno regato, que de seguido medra tras recoller as augas de multitude de regos e canos que drenan os prados de Zamáns.  Tamén tributan nel varios dos regos que baixan dando saltos e tombos da parte alta da Serra do Galiñeiro. O embalse nútrese desta maraña e é un enclave estratéxico para o subministro de auga dun número importante de cidadáns de Vigo e bisbarra.







- Hortas-escola
A horta de Pedro Alvarado vai consumir importantes enerxías na medida en que se está na fase de configuración dos bancais cerámicos e de organizar e asignar todo o espazo. Agardemos que a climatoloxía axude nesta fase tan delicada.
As hortas de Camelia e Fontáns, despois de arranxar os desperfectos do aire, recobran a paulatina normalidade.



- Voluntariado en Illas Cíes.
Este luns confírmanse as prazas da 1ª quenda (23-26 marzo), que por certo aínda quedan algunhas dispoñibles. Os confirmados teñen ata o mércores para inscribirse definitivamente na Casa da Xuventude, en horario de mañán (9-14h) e de tarde (17-20h).
A segunda quenda empeza a inscrición neste luns 18 e confimaranse a partir do martes para que realicen o mesmo proceso. 
En todos os casos cómpre depositar unha fianza de 10h, que se devolverá no momento de acceder ao.
E o sábado parte a primeira expedición. Agardemos que o tempo acompañe.