Avisos

HORTAS URBANAS: Cambio de horario a partir do 18 de setembro: mañás de 10 a 13h e tardes de 16 a 19h.
VOLUNTARIADO SENDEIROS: Martes 19 setembro e Xoves 21 setembro. 16:15 na Pasiva ou 16:30 no Parque forestal de Maruxento

18/5/12

Nova fin de semana intensa en actividades: Cíes, Médulas e Voluntariado

Unha nova fin de semana chea de actividade ven por diante. A pesares da previsión de tempo incerta, existe un ánimo alto para abordar tanto as rutas como as accións de voluntariado.


ILLAS CIES
Para o domingo, preto de 200 persoas teñen reserva para realizar as rutas nas Illas Cíes. Vaise coñecer polo miudo a riqueza medioambiental do Parque Nacional e, particularmente, o hábitat na primavera. A convocatoria na Estación marítima é as 9:30 horas, sendo preciso puntualidade para realizar ordeadamente o proceso de embarque. O retorno está previsto para as 19:15.




Voluntariado medioambiental en Illas Cíes
Realizarase entre o sábado e o domingo, con acampada incluída. O obxectivo é continuar co traballo realizado polos voluntarias e voluntarios de semana santa: limpeza da duna de Muxieiro, erradicación de Arcthoteca calendula e limpeza 
de praias. Pódese consultar no apartado "Voluntariado" imaxes da última actuación.
A hora de convocatoria na estación marítima é o sábado as 9:30. O retorno está previsto para o domingo as 19:15




MÉDULAS
A segunda quenda para visitar o Parque de Médulas xa está activada. En documentación está colgado o arquivo "Médulas" onde se detalla máis a actuación.
Toca madrugar o sábado (hora de encontro na estación de Renfe as 6:30 para sair as 6:46 da mañán), pero ben merece a pena segundo indicaron os participantes na primeira quenda. 






VOLUNTARIADO NO LAGARES
Os grupos de voluntariado no río Lagares prosiguen este sábado de 9:00 a 12:00 facendo o traballo minucioso de erradicar as prantas exóticas invasoras. Nalgúns momentos semella que é traballo de ciruxía. Os resultados están sendo moi interesantes e a moral está alta. No apartado "Voluntariado" hai fotografías das distintas actuacións levadas.