Avisos

PERCORRIDO POLA COSTA DA VELA (CANGAS). Domingo 15 outubro, mañá. Inscrición no 010 (986810260 dende móbil) a partir do 2 outubro

PRÓXIMOS CURSOS DE HORTAS URBANAS. Quenda 1: Sábado 14 outubro, mañá. Quenda 2: Xoves 19 outubro, tarde. Inscrición no 010 (986810260 dende móbil)
PRÓXIMO CURSO INICIACIÓN VOLUNTARIADO MEDIOAMBIENTAL. Sábado 14 outubro, mañá. Inscrición no 010 (986810260 dende móbil)

VOLUNTARIADO SENDEIROS: Revisión do GR-53. Martes 10 outubro, 16:00 na Pasiva ou 16:30 no Muíño de Maquías (encoro Zamáns)
VOLUNTARIADO VIGOZOO: Erradicación invasoras. Entre o 17 outubro e 7 novembro, martes e xoves de 10:00 a 13:00 en Vigozoo.

26/4/12

Chus Lago presenta o Voluntariado no Lagares


A concelleira de Medioambiente, Chus Lago, presentou hoxe en rolda de prensa as actividades previstas no Programa de voluntariado medioambiental "Camiño a Camiño" para o período de primavera e verán. 
Destaca como novidades as accións que se van a desenvolver no río Lagares o sábado 5 de maio e logo durante  o mes e medio seguinte, así como o patrocinio de Eroski nestas accións.
Tamén se lembrou toda as accións previstas nas Illas Cíes en colaboración con Parque das Illas Atlánticas e as accións de formación de voluntariado entre abril e xuño.



ACCIÓN RÍO LAGARES

a) Acción colectiva da cidadanía de Vigo: 5 de maio, de 9-14h.
Función principal: erradicación de alóctonas e limpeza entre o tramo do CEIP de Balaidos e a zona húmida de Goberna.
Participantes: cidadáns maiores de idade empadroados en Vigo. A convocatoria inicial é ata 200 postos de voluntariado.
Preinscrición: dende hoxe mesmo no 010, indicando "Voluntariado do 5 de maio".
Inscrición: A participación na actividade do 5 de maio require a cobertura dunha documentación específica que dende o venres 27 de abril e en días laborables estará dispoñible na Casa da Xuventude. Esta inscrición permite ter as coberturas que esixe a lei de voluntariado.

b) Acción por pequenos grupos: entre o mércores 9 de maio e o sábado 16 de xuño
Función principal: repasar e completar traballo pendente da actividade do 5 de maio e facer labores de conservación no percorrido do río no entorno do Parque de Castrelos.
Participantes: cidadáns maiores de idade empadroados en Vigo. A convocatoria inicial é de 4 grupos de 10-20 persoas, que  quincenalmente desempeñarán a súa función contando con acompañantes dos distintos servizos municipais ou de técnicos específicos.
Preinscrición: dende hoxe mesmo no 010, indicando "Voluntariado quincenal no Río Lagares" e escollendo entre as seguintes combinacións:
- Mércores: 9.5 / 23.5 / 6.6                - Sábado: 12.5 / 26.5 / 9.6
- Mércores: 16.5 / 30.5 /13.6             - Sábado: 19.5 / 2.6 / 16.6
Inscrición: A participación nestas actividades require a cobertura do documento "Acordo de incorporación" e dunha documentación específica da Oficina Municipal de Voluntariado que dende o venres 27 de abril e en días laborables estará dispoñible na Casa da Xuventude.
Para poder realizar labores de voluntariado no Programa “Camiño a Camiño” é imprescindible que se faga o Curso de iniciación ao voluntariado.
Se xa se dispón do curso de iniciación ao voluntariado medioambiental e do "acordo de incorporación no voluntariado medioambiental", os/as interesados/as deben pasar pola Oficina Municipal de Voluntariado para cubrir brevemente os datos dunha enquisa.


CURSOS DE VOLUNTARIADO

Os vindeiros cursos de iniciación ao voluntariado están previstos para o 28 de abril, de 10 a 14h; o 5 de maio, de 17 a 21h (cámbiase a hora por motivo da actividade no río Lagares); o 12 de maio, de 10 a 14h; así como, os 16 ou 23 de xuño, de 10 a 14h. 
O proceso de inscrición realízase no 010 na semana previa ao curso, podéndose facer inscricións anticipadas para as semanas seguintes. Entre outras avantaxes, a realización desta formación habilita para realizar labores voluntarias nas Illas Cíes.
Nestes cursos de iniciación ao voluntariado medioambiental preténdese que os/as participantes coñezan que significa ser voluntario/a, que dereitos e deberes lle corresponden, conceptos básicos sobre os hábitats, alternativas a procesos que deterioran o entorno, etc.