22/9/16

O voluntariado urbano e de sendeiros arranca na tempada de outono

Xa estamos no outono e a tempada de voluntariado de Camiño a Camiño bota a andar coas labouras no tramo do río Lagares habitual, na charca con vida na horta de Navia, no acondicionamento do sendeiro GR-53 e no monte da Guía. 
Despois da intensa actividade en Cíes durante o verán, agora renovadas enerxías concéntranse nos traballos de conservación na parte peninsular do concello.
Aqueles/as que se queiran incorporar nesta tempada podedes seguir o apartado de avisos do blog no que se indican as accións semanais. Tamén podedes escribir a info@caminoacaminovigo.org e xa nos pomos en contacto convosco.
Unha mostra do feito esta mañá a envía Roberto ao correo de Camiño a Camiño. Agardamos máis fotos doutras accións e benvidos/as de novo ao voluntariado.