21/9/15

Monte Galiñeiro - Monte Aloia: primeira etapa da tempada de outono

Escomeza a tempada de outono de Camiño a Camiño coa clásica travesía da Serra do Galiñeiro. 
Se o tempo é favorable como parece, está garantida un percorrido moi agradable para apreciar as vistas da contorna e, evidentemente, a riqueza biolóxica salientable da mesma, non só en número de especies, senón que tamén nos distintos tipos de hábitats, algún moi interesante como as pequenas turbeiras, matogueiras, bosques autóctonas, etc.
Nesta ocasión o inicio terá lugar dende Zamáns, evitando así a subida brusca que noutras ocasións se fixo dende A Pasaxe, e unha vez alcanzada a cota, o camiño a realizar será de algo máis de 12 km pola mañá. O xantar realizarase no Aloia e, para aqueles participantes que o desexen, farase un pequeno percorrido dentro do parque natural.
Lembrar que a preinscrición realizase entre luns e mércores no 010 (986810260 se chamades dende móbil) e posteriormente hai que rematar de facer a inscrición na Casa da Xuventude (López Mora 31, de 10 a 14h e de 17 a 20h). Non empadroados inscríbense os xoves.