26/5/14

Percorrido polo sendeiro azul: a pe e en kaiak

Iniciamos o mes de Xuño coas rutas de verán por Vigo.  No primeiro percorrido coñeceremos o Sendeiro azul, que faremos andando e, aqueles que se atrevan, poderán facer o tramo de praias en kaiak.
Esta ruta marcada comeza na Avenida de Madrid, no inicio da senda do Lagares.  A primeira parte da ruta é precisamente esta senda que vai pola ribeira do río Lagares, ten unha lonxitude de 8 kilómetros, ata Samil, onde o sendeiro azul bifúrcase.  Un dos ramais vai ata a praia de Canido. O outro mais longo, que é o que faremos nesta ocasión, remata en Bouzas, na praia do Adro, tras percorrer 4,5 kilómetros.
O sendeiro azul aproveita o corredor verde que é o río Lagares para conectar a parte oeste da cidade coas praias. Foi concibido para dar a coñecer un dos principais valores da nosa cidade, como son as fermosas praias de Vigo.
Algunhas das praias polas que pasaremos (Argazada e o Tombo do Gato) son merecedoras de bandeira azul, distinción que se lles da as praias que destacan pola limpeza e calidade das augas, accesibilidade, seguridade, etc. 


O percorrido en kaiak está previsto para realizar no tramo de costa entre preto da desembocadura do Lagares e Bouzas. Poderán participar todos aqueles que o desexen a partir de 12 anos e que saiban nadar mínimamente. Terán que comunicalo no 010. 
Os participantes nesta actividade, realizaran un tramo reducido do sendeiro a pe e o resto en kaiak a partir de media mañá. Terán que levar bañador e toalla nunha mochila, que a organización recollerá para o momento de realizar a actividade. Tamén é convinte levar crema solar e gorra para o caso de que o sol pique.
Segundo a inscrición, terase que facer grupos que serán acompañados polos respectivos monitores de kaiak. Previamente á acción, farase unha breve sesión de formación para indicar a técnica a empregar, as recomendacións oportunas e como se distribuirán os grupos.