30/4/14

Proceso de inscrición Iª andaina polos montes de Vigo

Está aberta a inscrición para a Iª Andaina polos Montes de Vigo, organizada pola Concellería de Medio Ambiente en colaboración coa Mancomunidade de Montes de Vigo, El Corte Inglés e Eroski. A actividade está aberta tanto a empadroados como a non empadroados en Vigo.
O prazo de inscrición é ata o mércores 14 de maio e o procedemento é como segue:

A) A título individual ou familias
Preinscrición:010 (para móbiles: 986810260)
Inscrición definitiva na Casa da Xuventude (López Mora 31, de 9 a 14 e de 17 a 20), onde se cubrirá a ficha de inscrición, se aboarán os 2 euros de autobús (1 euro para menores de 12 anos) e se recibirá a tarxeta de participante co número correspondente, que servirá para recoller o kit de participante o día da actividade e acceder ao autobús. 
- Tamén se recibirá un ticket para recoller na sección de deportes de El Corte Inglés a camiseta conmemorativa do evento (entre os días 12 e 16 de maio)

B) Grupos 
A solicitude de algúns grupos de participantes en camiñatas que están organizados, habilitase un procedemento específico que consiste en:
- Solicitar a participación a través de info@caminoacaminovigo.org, remitindo o listado de membros do grupo cos seguintes datos: Nome e Apelidos, DNI, teléfono e data de nacemento. Tamén se indicará a persoa de contacto, cun correo electrónico e un teléfono móbil. 
- Unha vez comunicado este listado ao 010, procederase a enviar a ficha de inscrición por vías telemáticas para que sexa cuberta por cada un dos membros do grupo.
- Coa totalidade de fichas cubertas e coa correspondente cota de participación, o responsable de grupo retirará as tarxetas de participantes na Casa da Xuventude.