25/4/14

Gran atractivo para facer o percorrido pola Fervenza do río Toxa

A previsión climatolóxica para o domingo semella que vai ser boa a meirande parte do día e, por tal motivo, hai unha boa espectativa para realizar o percorrido por unha das fervenzas máis fermosas da península. Ver o percorrido na nova do día 21.04.14 (pinchar eiqui)



Parte da ruta transcorre por terreos do Lic (Lugar de Interese Comunitario) Sistema fluvial Ulla-Deza.  Forma parte da rede europea de espazos protexidos Natura 2000.  O espazo abrangue boa parte do cauce e ribeiras do río Ulla, que é o terceiro en lonxitude de Galicia, e do Deza, que é un dos seus principais tributarios.  
A biodiversidade tanto botánica como animal é moi salientable.  Destacan numerosas especies de peixes, como o salmón (Salmo salar) e a lamprea (Petromyzonmarinus), así como outras especies animais ligadas o medio fluvial como a lontra (Lutralutra) ou o lavacú ou merlo rieiro (Cincluscinclus). A comarca do Deza, ademáis, ten unha grande tradición gandeira, como testemuñan as grandes extensións de prados e explotacións gandeiras.  
Destacan tamén certos monumentos e construcións medievais que veremos no camiño, como a igrexa románica de San Pedro de Ansemil, A ponte do Demo e da Carixa e o propio mosteiro de Carboeiro.