16/5/13

Previsión fin de semana 17-19 de maio

Temos diante unha fin de semana con moita inestabilidade, o que vai obrigar a facer axustes na programación prevista: supresión de voluntariado e de hortas o sábado e, no caso de que persista a choiva, reducción a só pola mañá o percorrido polo sistema dunar de Cangas.

Previsións climatolóxicas (meteogalicia)


Percorridos medioambientais
Nesta fin de semana trasladámonos a Cangas para coñecer de preto un sistema dunar moi semellante ao que había en Samil nos anos 60-70. Circularemos polo Lugar de Interese Comunitario (LIC) da Costa da Vela e polas dunas e trasdunas de Barra e Nerga  (ver documento). Segundo como acompañe o tempo faremos a ruta de día completo (como esta previsto e cun custe de 6 euros) e se o tempo non acompaña reducirémola a só pola mañá (neste caso o custe sería de 3 euros como noutras ocasións).

Zona de dunas fixas e de trasduna

Voluntariado Camiño a Camiño.
Este sábado ten lugar o primeiro dos dous cursos de iniciación ao voluntariado medioambiental programados para maio. Terá lugar en Vigozoo e como sempre abordaranse contidos básicos de voluntariado e de voluntariado medioambiental. Tamén  se comentarán as accións que ten previsto a Concellería de Medio Ambiente ata o mes de setembro.
Por outra banda, 9 voluntarios e voluntarias asistirán a Cíes para proseguir coas labouras de seguemento do coello e do lagarto arnal.
Por último, suspéndese a actividade prevista para o sábado pola mañá nos areais dada a previsión de tempo.

Hortas-escola
Á vista do tempo pasado por auga que se anuncia para o sábado, óptase por suspender a activdidade tanto en Fontáns como en Pedro Alvarado.