11/4/13

Previsión fin de semana 12 a 14 abril

Semella que teremos unha fin de semana moi xeitosa no climatolóxico e, en consecuencia, agardemos que moi agradecida nas actividades. Vexamos a previsión.

Previsión climatolóxica (meteogalicia)



Percorridos medioambientais

Unha vez conectados o río Zamáns co río Miñor, circularemos "río abaixo" cara a Foz da Ramallosa. Trátase dunha perla medioambientalmente falando e por iso ten a consideración de LIC (lugar de interese comunitario dentro da Rede Natura 2000).
Aparte de coñecer novos aspectos relacionados coas concas fluviais (ver documento), poderemos contemplar a privilexiada localización do val Miñor, entre as Illas Cíes do Parque Nacional das Illas Atlánticas, o LIC das Illas Estelas, a Península de Monteferro, o Parque Natural do Monte Aloia e a Foz da Ramallosa. Un auténtico luxo medioambiental.




Hortas urbanas
Entre choiva e sol, as hortas están gromando con moita forza. O vindeiro sábado será unha auténtica aglomeración de hortelanos. Os que empezaron en Fontans no inverno xa están en fase de recolleita, os que empezaron despois dos cursos de marzo aínda están escomenzando e arrancarán cos cultivos de privamera. En todo caso, moito que facer e segundo comentan con novo abono de moi boa calidade. Veremos.



Voluntariado urbano, en Vigozoo e en Cíes
Segunda semana de intensa actividade de voluntariado. Xa o mércores se estivo traballando no Lagares e este venres continuarase incorporándose paulatinamente novos participantes.
Neste sábado está previsto o Curso específico de Voluntariado en Vigozoo, coa pretensión de que os asistentes poidan participar nas tres liñas abertas: educación, investigación e conservación e benestar animal. 
De feito o domingo pola tarde, con voluntariado que xa fixera a formación o ano pasado, empeza a actividade de enriquecimento animal de cara ao público que asista ás instalacións de Vigozoo.

Por segunda semana consecutiva, unha grupo de 9 voluntarios e voluntarias participan na acción conxunta da Concellería de Medio Ambiente e do Parque de Illas Atlánticas nas Illas Cíes. Estarán sábado e domingo realizando labouras de erradicación de prantas invasoras e de conservación no parque.