Un grupo de voluntarios e voluntarias que realizan o seu traballo no Lagares e en Alcabre reuniuse coa concelleira Chus Lago para establecer a coordinación de cara ao verán e así se lle dea continuidade ás tarefas realizadas ata o momento.
Grazas ao traballo e á ilusión empregados á erradicación de plantas invasoras na ribeira do río Lagares, habilitáronse algunhas zonas para á súa próxima rexeneración con plantas, arbustos ou árbores autóctonas. Agora o obxectivo é que se continúe con esta labor, e así non estragar a labor desenrolada.
Para elo, a partires do mércores 4 de xullo, os voluntarios e voluntarias que o desexen poderán asistir todos mércores e sábados ata o mes de setembro (agás entre o 11 e o 21 de agosto), pola mañá e dende as 9:00 h ata as 12:00 h para traballar nas horas máis baixas de Sol. As tarefas previstas son:
-Manter a actividade nas zonas sobre as que se actuou para evitar o rebrote das plantas alóctonas e invasoras e continuación da erradicación destas invasoras no entorno do río Lagares.
-Limpeza e erradicación da planta chamada “unlla de gato” (Carpobrotus spp.) de areais como o de O Tombo do gato e Argazada.
-Repoboación das áreas que quedaron limpas de plantas invasoras como a Arctoteca caléndula, Tradescantia fluminensis ou Canna indica, etc., na ribeira do Lagares, con plantas e arbustos de especies autóctonas propios deste ecosistema húmido, como as do xénero Carex, Salix, Hedera e outras.
-Recolección de sementes de árbores, plantas e arbustos autóctonos co fin de ir facendo un pequeño banco deles e no viveiro do Vigozoo preparalo para a xermolación e que aló, polo outono ou inicio da primavera que ven, ver de intentar rehabilitar as zonas que antes foran invadidas polas plantas exóticas.
