28/4/12

O voluntariado prepárase para o Lagares e Cíes

O día de hoxe foi intenso en canto a voluntariado: pola mañán 53 persoas participaron no curso de iniciación ao voluntariado medioambiental e pola tarde 15 coordinadores/as realizaron a preparación da acción do lagares prevista para o 5 de maio.
No curso de voluntariado, aparte de abordar nocións básicas de voluntariado e de voluntariado medioambiental, tratouse con certa profundidade as próximas accións previstas no Lagares e en Cíes. 
Tivemos a ocasión de que a Concelleira de Medio Ambiente, Chus Lago, nos ilustrase con detalles do traballo que se leva facendo no río e como repercuten dun xeito importante as precipitacións no arrastre de lixo dos aliviadeiros de pluviais ao cauce. Por tal motivo, despois dunha semana como a pasada con moita choiva en pouco tempo, aparece mais prástico.




Na preparación da tarde, os coordinadores/as de grupos estiveron comprobando sobre o terreo as zonas sobre as que se ía traballar a erradicación de prantas invasoras e o percorrido de limpeza previsto. Contouse coa presenza de biologos que van apoiar a acción, que deron instruccións prácticas de como operar e de que tipo acción se estaba desenvolvendo.
Agora só queda irse apuntado no 010 para lograr un importante quorum o día 5.