15/4/12

Camiño a Camiño inicia a tempada do 2º trimestre nas Greas

Cun día soleado, con ambiente futboleiro e con ganas de retomar o sendeiro das Greas, arranca unha xornada que prometía intensa e tamén con certa dureza.
A Concelleira de Medio Ambiente, Chus Lago, quixo aproveitar a ocasión para estar no arranque -en breve agarda estar recuperada para tamén acompañar- e para comentar que debido á boa acollida das actividades de voluntariado medioambiental de Semana Santa e ás propostas realizadas polos participantes, está programando novas accións que en breve serán dadas a coñecer relacionadas co río Lagares, cos humedais, etc.